"Жеткіншектің жеті жарғысы" жобасы аясында мектебімізде "Көк тудың желбірегені" тақырыбында бірыңғай тәрбие сағаттары өткізілді.
Мақсаты: оқушылар бойында мемлекеттік рәміздерге деген құрмет сезімін жетілдіру, мемлекеттік рәміздеріміздің тарихымен, ерекшеліктерімен таныстыру.
Рәміз – белгілі идеяны білдіретін белгі, бейне. Адамға ой-пікір туғызады. Рәміздік белгілер ғасырлар бойы дами келе мемлекеттік рәміздерге (ту, елтаңба, гимн) айналды.Ту – тұтастық пен бірліктің, ынтымақтың құдіретті белгісі. Ол елдік пен егемендікті дүниеге паш етіп тұрады.
Елтаңба – мемлекеттік мөрлерде (облыс, қала, мекеме), алтын, күміс ақшаларда бейнеленген ажырату белгілері.Гимн – өлеңге жазылған салтанатты ән.
Мемлекеттік рәміздерді қадірлеу тәуелсіз Қазақстанның әрбір азаматының қасиетті борышы. Мемлекеттік рәміздерді құрметтеу – елді, халықты, тарихты, әдет- ғұрыпты, салт- дәстүрді қастерлеу болып табылады.
